இறைவன் இயேசுவில் அன்புக்குரியவர்களே! இன்றைய நாள் இறைவார்த்தையின் அடிப்படையில் உங்களோடு இணைந்து சிந்திப்பதில் மகிழ்ச்சி அடைகின்றேன் !
தந்தையும் இயேசுவும் ஒன்றாய் இணைந்திருந்தது போல நாமும் இயேசுவும் இணைந்து இருக்க வேண்டும் என்பதை இன்றைய இறை வார்த்தை வழியாக உணர்ந்து கொள்ள அழைக்கப்படுகிறோம். ஆண்டவர் இயேசு கிறிஸ்து இந்த மண்ணில் வாழ்ந்த போது தந்தையின் திருவுளத்தை நிறைவேற்றுகின்ற மனிதராக தன் வாழ்நாள் முழுவதும் தந்தையின் விருப்பத்தை நிறைவேற்றியவராக தன் வாழ்நாளை அமைத்துக் கொண்டார். இந்த இயேசுவை பின்பற்றக்கூடிய நீங்களும் நானும் இந்த இயேசுவை போலவே கடவுளின் விருப்பத்தை அறிந்து அந்த விருப்பத்திற்கு செயல் வடிவம் தருகின்றவர்களாக நம் வாழ்வை அமைத்துக் கொண்டு இயேசுவின் சீடர்கள் நாம் என்பதை சொல்லிலும் செயலிலும் வெளிக்காட்டிட ஆற்றல் வேண்டி இன்றைய நாளில் இறைவனிடத்தில் இறைவேண்டல் செய்வோம். இறைவன் நம்மை தொடர்ந்து ஆசிர்வதிப்பார்.
கருத்துகள் இல்லை:
கருத்துரையிடுக