இறைவன் இயேசுவில் அன்புக்குரியவர்களே! இன்றைய நாள் இறைவார்த்தையின் அடிப்படையில் உங்களோடு இணைந்து சிந்திப்பதில் மகிழ்ச்சி அடைகின்றேன் !
இயேசுவின் செயல்கள் இயேசுவை மெசியா என சுற்றி இருந்த அனைவராலும் கண்டுகொள்ள வைத்தது. அதன் விளைவாகத்தான் இயேசுவை மெசியா என்று அஞ்சி அவருக்கு எதிராக செயல்படுபவர்கள் கூட என்ன செய்வது என தெரியாமல், ஆனால் பல விதமான சூழ்ச்சிகளை தங்களுக்குள் மேற்கொண்டு இந்த இந்த இயேசுவை எப்படியாவது பிடித்து ஒழித்து விட வேண்டும் என்ற எண்ணத்தோடு தங்கள் வாழ்வை அமைத்துக் கொண்டிருந்தார்கள்.
இயேசுவின் செயல்கள் இயேசுவை மெசியா என சுட்டிக்காட்டியது போல, இந்த இயேசுவை ஏற்றுக் கொண்டிருக்கக் கூடிய நம்முடைய செயல்களும் நாம் இந்த இயேசுவை பின்பற்றுபவர்கள் என்பதை ஒவ்வொரு நாளும் வெளிக் காட்ட வேண்டும் என்பதை இதயத்தில் இருத்திக் கொண்டவர்களாக நம் செயல்களை சரி செய்து கொண்டு, கடவுளுக்கு உகந்த செயல்களை நம் செயல்களாக மாற்றிக்கொண்டு நம் செயல்களால் இயேசுவின் சீடர்கள் என சான்று பகரக்கூடிய ஒரு வாழ்வை நம் வாழ்வாக மாற்றிட இறைவனிடத்தில் இன்றைய நாளில் அருள் வேண்டுவோம். இறைவன் நம்மை தொடர்ந்து ஆசிர்வதிப்பார்.
கருத்துகள் இல்லை:
கருத்துரையிடுக