இறைவன் இயேசுவில் அன்புக்குரியவர்களே! இன்றைய நாள் இறை வார்த்தையின் அடிப்படையில் உங்களோடு இணைந்து சிந்திப்பதில் மகிழ்ச்சி அடைகின்றேன்!
திருமுழுக்கு யோவானுடைய பணியைக் கண்டவர்கள், இவர்தான் மெசியாவாக இருக்குமோ என்ற எண்ணத்தோடு, நீர்தான் மெசியாவா? என்ற கேள்வியை எழுப்பிய போது தன் நிலையை உணர்ந்தவராக, தான் எதற்கு இந்த சமூகத்திற்கு வந்தோம்? தனக்கென அர்ப்பணிக்கப்பட்ட பணி எது என்பதை நன்கு உணர்ந்திருந்த யோவான், தான் யார் என்பதை அவர்களுக்கு எடுத்துரைத்து, ஆண்டவரின் வருகைக்கு அவர்களை ஆயத்தப்படுத்துகின்றார்.
இந்த திருமுழுக்கு யோவானைப் போல, நீங்களும் நானும், நமது வாழ்வை சீர்தூக்கி பார்த்து, நமக்கென்ன கடவுள் இந்த சமூகத்தில் கொடுத்திருக்கிற பணிகள் என்ன என்பதை உணர்ந்து கொண்டவர்களாக, நாளும் ஒரு முன்மாதிரியான வாழ்வை வாழக் கூடியவர்களாக, மற்றவர்களுக்கு நல்லதொரு முன்மாதிரிகளாகத் திகழ்வதற்கான ஆற்றலை இன்றைய நாளில் இறைவனிடத்தில் கொண்டு போவோம் இறைவன் தொடர்ந்து நம்மை ஆசீர்வதிப்பார்.
கருத்துகள் இல்லை:
கருத்துரையிடுக