இறைவன் இயேசுவில் அன்புக்குரியவர்களே!இன்றைய நாள் இறை வார்த்தையின் அடிப்படையில் உங்களோடு இணைந்து சிந்திப்பதில் மகிழ்ச்சி அடைகின்றேன்!
ஆண்டவர் இயேசு கிறிஸ்துவை திருமுழுக்கு யோவான் அறிமுகப்படுத்துவதை இன்றைய நற்செய்தி வாசகமாக நாம் வாசிக்கக் கேட்டோம். நாம் அறிந்திருக்கின்ற ஆண்டவர் இயேசுவை நாமும் அடுத்தவருக்கு அறிவிக்க கடமைப்பட்டிருக்கிறோம் என்பதை உணர்ந்து கொள்ள நாம் ஒவ்வொருவரும் அழைக்கப்படுகின்றோம். ஆண்டவரை அறிமுகப்படுத்துவது என்பது நம்முடைய சொல்லாலும் செயலாலும், இந்த இயேசுவை ஏற்றுக் கொண்டவர்கள் நாம் என்பதை மற்றவர்கள் அறியும் வண்ணம், நமது வாழ்வில் நமது சொல்லிலும் செயலிலும் இந்த இயேசுவின் மதிப்பீடுகள் பிரதிபலிக்க வேண்டும் என்பதை இன்றைய இறைவார்த்தைகள் நமக்கு வலியுறுத்துகின்றன.
இந்த வலியுறுத்தலின் அடிப்படையில் நமது வாழ்வை நெறிப்படுத்திக் கொண்டு, அனுதினமும் ஆண்டவர் இயேசு கிறிஸ்துவை வெளிப்படுத்துகின்ற மனிதர்களாக நமது சொல்லும் செயலும், அமைவதற்கான ஆற்றல் வேண்டி இன்றைய நாளில் இறைவனிடத்தில் இறைவேண்டல் செய்வோம். இறைவன் தொடர்ந்து நம்மை ஆசீர்வதிப்பார்.
கருத்துகள் இல்லை:
கருத்துரையிடுக