இறைவன் இயேசுவில் அன்புக்குரியவர்களே! இன்றைய நாள் இறை வார்த்தையின் அடிப்படையில் உங்களோடு இணைந்து சிந்திப்பதில் மகிழ்ச்சி அடைகின்றேன்!
இன்றைய நற்செய்தி வாசகத்தில் யோவான் இயேசுவை மெசியா என சுட்டிக்காட்ட, அவருடைய சீடர்களை இந்த இயேசுவை பின் தொடரச் செல்ல அனுப்பி வைப்பதை நாம் வாசிக்கின்றோம். அதே சமயம் இயேசு தம் பணிக்கென சீடர்களை அழைப்பதை இன்றைய நற்செய்தி வாசகமாக நாம் வாசிக்கக் கேட்டோம்.
நாமும் ஆண்டவரின் வார்த்தைகளை அனுதினமும் கேட்கின்றோம். இந்த வார்த்தைகள் ஒவ்வொன்றுமே நம்மை ஆண்டவர் இயேசுவின் சீடர்களாக மாறுவதற்கான அழைப்பை தருகின்றன. இந்த அழைப்பை உணர்ந்து கொண்டவர்களாக நாள்தோறும் நாம் கேட்கின்ற இறைவார்த்தையின்
அடிப்படையில் நமது வாழ்வை நெறிப்படுத்திக் கொண்டு நாம் ஆண்டவர் இயேசு கிறிஸ்துவை பின்பற்றுகின்ற உண்மைச் சீடர்களாக இருப்பதற்கான ஆற்றல் வேண்டி இன்றைய நாளில் இறைவேண்டல் செய்வோம். இறைவன் தொடர்ந்து நம்மை ஆசீர்வதிப்பார்.
கருத்துகள் இல்லை:
கருத்துரையிடுக