இறைவன் இயேசுவில் அன்புக்குரியவர்களே! இன்றைய நாள் இறைவார்த்தையின் அடிப்படையில் உங்களோடு இணைந்து சிந்திப்பதில் மகிழ்ச்சி அடைகின்றேன்!
ஆண்டவர் இயேசு கிறிஸ்து உயிர்த்தெழுந்ததற்கு பிறகாக, தன்னுடைய சீடர்களை சந்தித்து, அவர்கள் நம்பிக்கையில் ஆழப்படவும், தளர்ந்து போயிருந்த அவர்கள் மனதிற்கு உறுதியை தருகின்ற வகையிலும், அவர்களோடு உடன் பயணித்து அவர்களோடு ஒருவராக இருந்து அவர்களை ஊக்கப்படுத்தி தனது பணியை செய்வதற்கு அவர்களை தகுதி உள்ளவர்களாக மாற்றினார் என்பதை இன்றைய நற்செய்தி வாசகத்தின் வாயிலாக உணர்ந்து கொள்ள நாம் ஒவ்வொருவரும் அழைக்கப்படுகிறோம். இந்த இறை வார்த்தையின் அடிப்படையில் நமது வாழ்வை சீர்தூக்குகிற போது, நாம் சந்திக்கின்ற மனிதர்கள் வாயிலாக கடவுள் நம்மையும் ஊக்கப்படுத்தி அவரது பணியை செய்வதற்கான ஆற்றலை அனுதினமும் தந்து கொண்டிருக்கிறார். இந்த இறைவனை உடன் இருப்பவர்கள் மத்தியில் கண்டுகொள்ளவும் அவருக்கு உகந்த மனிதர்களாக நமது வாழ்வை அமைத்துக் கொள்ளவும் ஆண்டவரிடத்தில் அருள் வேண்டி இன்றைய நாளில் இணைந்து ஜெபிப்போம். இறைவன் நம்மை தொடர்ந்து ஆசிர்வதிப்பார்.
கருத்துகள் இல்லை:
கருத்துரையிடுக