ஆண்டவர் இயேசுவில் அன்புக்குரியவர்களே!
கடவுள் வடிவில் இருக்காமல் மனிதன் மீது கொண்ட அன்பின் காரணமாக மனித வடிவம் எடுத்து வந்து ஒரு மனிதன் எப்படி வாழ வேண்டும் என்பதை நமக்கு கற்றுக் கொடுத்த இயேசு கிறிஸ்துவுக்கு மரண தண்டனையை பரிசாக கொடுத்து கல்லறைக்குள் அடக்கினோம்.
கல்லறையில் இருக்கின்ற ஆண்டவரை இதயத்திலிருத்துவோம். பல நேரங்களில் நமது வாழ்வில் எத்தனையோ தடைகளுக்கு மத்தியிலும் எழுந்து நிற்க வேண்டும், சாதிக்க வேண்டும் இயேசுவின் இறையாட்சியின் மதிப்பீடுகளை வாழ்வாக்க வேண்டும் என முயலுகிற போதெல்லாம் பல நேரங்களில் பல மனிதர்கள் வாயிலாகவும் அல்லது நம்மிடம் இருக்கின்ற சோம்பேறித்தனத்தின் வாயிலாகவும் நமக்கு நாமே கல்லறைக்குள் அடக்கப்பட்டவர்களாக அடக்கிக் கொள்ளுகின்ற நிலையானது மேலோங்குகிறது. கல்லறைக்குள் முடங்கி இருப்பதற்காக நாம் படைக்கப்படவில்லை. மாறாக, இயேசுவைப் போல மாற்றத்தை உருவாக்கவே இந்த மண்ணில் பிறந்திருக்கிறோம் என்பதை உணர்ந்தவர்களாக, நம் வாழ்வும் இயேசுவின் வாழ்வாக மாறிட இன்றைய நாள் முழுவதும் இயேசுவின் பாடுகளையும் இயேசுவின் இறப்பையும் இதயத்திலிருத்தி ஆழமாக சிந்திப்போம். இறைவன் நம்மை தொடர்ந்து ஆசிர்வதிப்பார்.
கருத்துகள் இல்லை:
கருத்துரையிடுக