ஆண்டவர் இயேசுவில் அன்புக்குரியவர்களே!
பெரிய வெள்ளி ஆகிய இன்று இயேசுவின் இறப்பை நாம் நினைவு கூருகின்றோம்.
அகிலத்தின் மீட்புக்காக தன் உயிரை தியாகம் செய்த இயேசுவின் தியாகத்தை இதயத்தில் சுமந்தவர்களாக, எதற்காக இந்த இயேசு இறந்தார் என்பதை குறித்து சிந்தித்துப் பார்த்து அவர் இம்மண்ணில் வாழ்ந்த போது நம்மிடம் விட்டுச் சென்ற வாழ்வுக்கான பாடங்களை எல்லாம் இதயத்தில் ஏற்றுக்கொண்டு அதற்கு செயல் வடிவம் தருகின்ற மனிதர்களாக நாம் மாறுகிற போது தான் ஆண்டவர் இயேசுவின் இறப்பின் மகத்துவத்தை நாம் உணர்ந்து கொள்ள முடியும். இயேசு நமக்கு கற்றுக் கொடுத்த பாதையில் தடைகள் வந்தாலும் அத்தடைகளுக்கு மத்தியில் தொடர்ந்து பயணிக்கவும், இயேசுவைப்போல இறுதிவரை கடவுளின் திருவுளத்தை நிறைவேற்றுகின்ற மனிதர்களாக நம் வாழ்வை அமைத்துக் கொள்ளவும் ஆண்டவரிடத்தில் அருள் வேண்டுவோம். இறைவன் நம்மை தொடர்ந்து ஆசிர்வதிப்பார்.
கருத்துகள் இல்லை:
கருத்துரையிடுக