இயேசுவின் பெயருக்கான ஆற்றல் அறிவோம்....
இயேசுவின் அன்பர்களே,
இன்றைய நாள் இறைவார்த்தையின் அடிப்படையில் என் சிந்தனைகளை உங்களோடு பகிர்வதில் மகிழ்ச்சி அடைகிறேன் ....
இயேசுவின் பெயருக்கு உள்ள ஆற்றலையும், பெருமையையும் இன்றைய நற்செய்தி வாசகத்தின் மூலம் அறிந்துகொள்ள அழைக்கப்பட வேண்டும் .
"நீங்கள் என் பெயரால் தந்தையிடம் கேட்பதை எல்லாம் அவர் உங்களுக்குத் தருவார் என உறுதியாக உங்களுக்குச் சொல்கிறேன்” என்று வாக்களிக்கிறார் இயேசு.
அந்நாளில் நீங்கள் என் பெயரால் வேண்டுவீர்கள்” என்றும் இயேசு முன் அறிவித்துள்ளார்.
இயேசுவின் திருப்பெயரை நாம் எவ்வாறு பயன்படுத்துகிறோம்? என சிந்திக்க இந்த நாளில் அழைக்கப்படுகிறோம்....
உலகில் உள்ள அனைத்துப் பெயர்களிலும் மேலான பெயர் இயேசுவின் திருப்பெயர்தான் ( பிலி 2:6-11). அந்தப் பெயருக்குத்தான் விண்ணவர், மண்ணவர், கீழுலகோர் அனைவரும் மண்டியிடுவர். அந்தப் பெயரைக் கேட்டுத்தான் அலகைகள் அலறி அடித்துக்கொண்டு ஓடுகின்றன. அந்தப் பெயரால்தான் நோயாளர்கள் நலம் பெறுகின்றனர்;. அந்தப் பெயரில்தான் தந்தை இறைவன் பெருமை அடைகின்றார்.
பெருமை நிறைந்த இறைவனது பெயரை வீணாக பயன்படுத்துவதை தவிர்த்துநம்பிக்கையோடு இறைவனது திருப்பெயரை பயன்படுத்திஇறைவனின் ஆசி பெற்றுக் கொள்ள இறையருள் வேண்டி இணைந்து தொடர்ந்து இன்றைய நாள்திருப்பணியில் ஜெபிப்போம்....
கருத்துகள் இல்லை:
கருத்துரையிடுக