இன்றைய நாள் இறைவார்த்தையின் அடிப்படையில் என் சிந்தனைகளை உங்களோடு பகிர்வதில் மகிழ்ச்சி அடைகிறேன் .
அவர் என்னை தனியே விட்டு விடவில்லை.
நாம் நல்லது செய்யும்போது அந்த நல்லதை உணர்ந்து கொள்ளாது நம் செய்கின்ற செயல்களில் குறை கண்டு குறைகளை மட்டும் பெரிதுபடுத்தி வாழும் மனிதர்களுக்கு மத்தியில் நாம் இன்று உறவாடி கொண்டிருக்கிறோம் என்பதை யாரும் மறுக்க இயலாது.இதையே நாம் இன்றைய முதல் வாசகத்தில் நாம் வாசிக்கின்றோம்.
அடிமைத்தனத்திலிருந்து மக்களை இறைவன் மீட்டு வருகிறார் ஆனால் அன்றாட தேவைகளான உணவு உடை இருப்பிடம் இவைகளில் இருப்பதில் மகிழாமல் இன்னும் அதிகமாக என்று அற்ப சுகங்களை நாடுகிறார்கள்.
தங்களுடைய அற்ப சுகங்களுக்காக இறைவனையும் இறைவன் அனுப்பிய தூதரையும் இழிவாகப் பேசுகிறார்கள் மக்களின் இச்செயல் கண்டு கோபமுற்ற இறைவன் அவர்களை தண்டிக்கிறார். ஆனால் மீண்டும் அவர்களைக் காத்தருள அவர்களை குணப்படுத்தக்கூடிய செயலில் இறங்குகிறார்.
இன்றைய நற்செய்தி வாசகத்தில் இயேசு தனது பணியை குறித்து தன்னுடைய சீடர்களுடன் உரையாடுகிறார். துன்பங்கள் என்பது வாழ்க்கையில் வரக்கூடிய ஒரு அங்கம்தான் துன்பம் என்பது நம் வாழ்வில் வரக்கூடிய ஒரு அங்கம் என்பதை மறந்து போய் துன்பம் இல்லாமல் வாழ வேண்டும் என்ற எண்ணத்தோடு இருக்கும் சீடர்களுக்கு துன்பத்தின் வழியை மீட்பு என்பதை இயேசு எடுத்துரைக்கின்றார்.
பொதுவாகவே துன்ப நேரங்களில் எல்லாம் இறைவன் நம்மோடு இல்லை என எண்ணுவோம். ஆனால் இறைவன் நம்மோடு இருந்து நமக்குத் தெளிவைத் தருகிறார் என்ற செய்தியினை இன்றைய நற்செய்தி வாசகம் நமக்கு தருகின்றது.
பல நேரங்களில் நமது செயல்களில் இருக்கக்கூடிய நன்மை தனங்களை கண்டுகொள்ளாது குற்றம் காணும் நோக்கத்தோடு நம்மை சுற்றியுள்ளவர்கள் செயல்படும்போது அவர்களை கண்டு அஞ்ச வேண்டாம்.
இயேசு அன்றைய மண்ணில் வாழ்ந்த போது அவர் மீதும் குற்றம் காணும் நோக்கத்தோடு பின் தொடர்ந்தவர்கள் ஏராளம் என்பதை நாம் அறிவோம்.
நோயாளி ஒருவரை குணப்படுத்தினார் ஓய்வுநாள் சட்டத்தை மீறுகிறான் என குற்றம் சுமத்தினார்கள்.
கோவிலை ஏன் சந்தை கூடாரமாக மாற்றினீர்கள் என்று கேள்வி எழுப்பினார். ஆண்டவருக்கு எதிரானவரானார் .
ஆட்சி அதிகாரத்தில் இருப்பவர்கள் தவறுகிறார்கள் என்று சொன்னால் அரசுக்கு எதிராக பேசுகிறான் என கூறுவதற்கு ஒரு கூட்டம்.
சமூகத்தில் அநீதி நிகழும்போது வேடிக்கை பார்த்துக் கொண்டிருந்தது ஒரு கூட்டம். இவர்களுக்கு மத்தியில் இறைவன் தன்னுடைய செயலை மாற்றிக்கொள்ளவில்லை இயேசு தான் செய்ய விரும்பிய நற்செயல்களை தொடர்ந்து செய்துகொண்டே முன்னேறினார். இன்று நாமும் அவ்வாறு இருக்கவே அழைக்கப்படுகிறோம். இருப்பதில் நிறைவு காணவும், இருப்பதை பிறரோடு பகிரவும், நாம் துன்பங்களை எதிர் கொள்ளவும்
இறையருள் வேண்டுவோம்.
இறைவனோடு இணைந்து வாழ்வை எதிர் கொள்வோம் என்று தன்னுடைய நம்பிக்கையூட்டும் கருத்துகளால் நம்மை நலமாக வாழ அழைக்கும் அருட்சகோதரர் சகாயராஜ் அவர்களுக்கு நமது அன்பின் வாழ்த்துக்கள்!
பதிலளிநீக்கு