வெற்றி பெற பிறந்தோம் நாம்...
இன்றைய நாள் வாசகங்களின் அடிப்படையில் என் சிந்தனைகளை உங்களோடு பகிர்வதில் மகிழ்ச்சி அடைகிறேன்.
என் வார்த்தைகளை நீங்கள் தொடர்ந்து கடைப்பிடித்து வந்தால் உண்மையில் என் சீடர்களாய் இருப்பீர்கள்.(யோவான் 8:31) என்ற இறை வார்த்தைக்கு ஏற்ப வாழ நாம் அனைவரும் அழைக்கப்படுகிறோம்.
பழைய ஏற்பாட்டின் அடிப்படையில் பார்க்கும்பொழுது தொடக்க காலத்தில் இஸ்ரயேல் மக்கள் தாங்கள் வழிபடும் யாவே இறைவனை புறந்தள்ளி பிற கடவுளை வணங்குவதை இறைவன் ஏற்காதவராக இருந்தார் என்பதை விவிலியத்திலிருந்து அறியலாம்.
இன்றைய முதல் வாசகத்தில் தானியேல் இறைவாக்கினர் யாவே இறைவனை மறுதலிக்க வேண்டும் இல்லையேல் நெருப்பில் தள்ளப்பட்டு துன்புறுத்த படுவார்கள் என்ற இக்கட்டான சூழ்நிலையிலும் தான் விரும்பி ஏற்ற யாவே இறைவனைஇறுதிவரை இறுகப் பிடித்துக் கொண்டு அவரை மறைக்காமல் அவரோடு இணைந்து இருந்ததையும் அதன் விளைவாக இறைவன் அவர்களை எரியும் நெருப்பில் இருந்ததையும் இன்றைய முதல் வாசகத்தில் வாசிக்க கேட்கிறோம்.
கடந்த சில தினங்களாக யோவான் நற்செய்தியில் இருந்து நாம் வாசிக்கக் கேட்ட வாசகங்களின் அடிப்படையில் ஒன்று புலப்படுகிறது.
இயேசு தன்னை தந்தையிடம் இருந்து வந்தவர் என்பதையும், தன் பணி தந்தையால் கொடுக்கப்பட்ட பணி என்பதையும் அச்சமூக மக்களுக்கு எடுத்துரைக்கிறார். ஆனால் அதை ஏற்க மறுத்து, அவரை புறந்தள்ள கூடியவர்களாக தான் அங்கிருந்த பரிசேயர்களும், சதுசேயர்களும், உரோமை ஆட்சியாளர்களும், இதர சில குடிமக்களும் இருந்தார்கள் என்பதை நாம் உணர முடிகிறது. இத்தகைய இக்கட்டான சூழ்நிலையிலும் கூட இறைவன் தன் பணி இறைவனது பணி என்பதை எடுத்துரைத்த வண்ணம் தான் செய்யக்கூடிய நற்செயல்களை தொடர்ந்து செய்துகொண்டே சென்றார் என்பதை நாம் அறியலாம்.
இன்றைய முதல் வாசகத்தில் நாம் வாசிக்கக் கேட்ட தானியேல் இறைவாக்கினரை போலவும், நற்செய்தியில் வாசிக்கப்பட்ட இயேசு கிறிஸ்துவை போலவும் நாம், செய்யக்கூடிய பணிகளில் தொடர்ந்து இறுதிவரை நிலையான உறுதியோடு செய்து வெற்றியை அடைந்திட, இலக்கை அடைந்திட நாம் அனைவரும் இன்றைய வாசகங்கள் வழியாக அழைக்கப்படுகிறோம்.
விடாமுயற்சி என்பது ஒரு செயலை முடிந்தவரை செய்வது அல்ல மாறாக அந்த செயலை முடிக்கும் வரை முயல்வதாகும்.
நாமும் அனுதினமும் இறைவார்த்தைகள் வழியாக பலவற்றை உள்வாங்கிக் கொண்டு அவ்வார்த்தைகளின் படி நமது வாழ்வை அமைத்துக் கொள்ளும் முயற்சியில் ஈடுபடுகிறோம்.
என் வார்த்தைகளை நீங்கள் தொடர்ந்து கடைப்பிடித்து வந்தால் உண்மையில் என் சீடர்களாய் இருப்பீர்கள்.(யோவான் 8:31)
என்ற இறை வார்த்தைக்கு ஏற்ப இறைவனது வார்த்தைகளை தொடர்ந்து கடைபிடித்து அவரது சீடர்களாக நாம் அழைக்கப்படுகிறோம். இறைவனது வார்த்தையைத் தொடர்ந்து கடைப்பிடிக்கும் பொழுது பலவிதமான இன்னல்களை நாம் சந்திக்க நேரலாம். எப்படி தானியல் இறைவாக்கினரும், இயேசுவும் தன் பணியை செய்த போது பலவிதமான தடங்கல்களை சந்தித்தார்களோ, அதுபோல நாமும் பல விதமான சவால்களை சந்திக்க நேரலாம். அந்நேரங்களில் எல்லாம் நமது முயற்சியை கைவிடாது இருக்க இன்று அழைக்கப்படுகிறோம்.
இவ்வுலகில் நாம் அனைவரும் வெற்றி பெற பிறந்தோம் ...
நமது பிறப்பைப் பற்றிக் கூறும் பொழுது அறிவியல் ரீதியாக பல ஆயிரக்கணக்கான விந்தணுக்களில் முதன்மை இடத்தை பெறக்கூடிய விந்தனு குழந்தையாக உருவாகிறது தாயின் வயிற்றில். அப்படி உருவானவர்கள் தான் நீங்களும் நானும். குழந்தையாக உருவாகுவதற்கு முன்பே நாம் அனைவரும் வெற்றி பெற்றவர்கள். அவ்வெற்றியின் வடிவமே இன்று நாம் இவ்வுலகில் நாம் மனிதர்களாக இருக்கின்றோம். எனவே இன்று இவ்வுலகிலும் நாம் விடாமுயற்சியோடு வெற்றியை நோக்கி,இலக்கை நோக்கி முன்னேறுவோம்.
விடாமுயற்சி என்னும் ஒற்றை நூல் சரியாக இருந்தால் வெற்றி என்னும் பட்டம் நம் வசமே.
விடாமுயற்சியோடு இறைவனது வார்த்தைகளை தொடர்ந்து கடைபிடித்து இயேசுவின் சீடர்களாக மாறுவோம்.
குழந்தையாக உருவாவதற்கு முன்பே நாம் அனைவரும் வெற்றி பெற்றவர்கள் என்ற கருத்து அனைவருக்கும் ஒரு உத்வேகத்தையும் ஆர்வத்தையும் வழங்குவதாக அமைந்துள்ளது. அருட்சகோதரர் சகாயராஜ் அவர்களுக்கு நமது நன்றிகளும்! வாழ்த்துக்களும்!
பதிலளிநீக்கு