அடையாளங்களைத் தேடுவதை விட நாமே அடையாளமாவோம்...
உழைக்காமல் வரும் பணமும்...
உடைந்த பானைகள் ஊற்றப்படும் பானமும் ஒன்றுதான்... என்பார்கள் அது போலத்தான் நாம் வாழுகின்ற இந்த சமூகத்தில் நாம் அடையாளங்களாக மாறாமல் அடையாளத்தை தேடி அலைவதில் பயனில்லை என்பதை இன்றைய நாள் வாசகங்கள் வழியாக இறைவன் நமக்கு உணர்த்துகின்றார் இன்றைய நாள் நற்செய்தி வாசகத்தில் ஆண்டவர் இயேசுவினிடத்தில் தங்களுக்கு அடையாளத்தை காட்டுமாறு வேண்டியபோது யோனாவின் அடையாளத்தைத் தவிர வேறு அடையாளம் கொடுக்கப்பட மாட்டாது என அவர் இயேசு குறிப்பிடுகிறார்.
யார் இந்த யோனா ? என சிந்திக்கின்ற போது விவிலியம் இவரை நினிவே நகர மக்களின் அடையாளம் என சுட்டிக்கட்டுகிறது. தவறான வழியில் வாழ்ந்து கொண்டிருந்த மக்களுக்கு ஆண்டவரின் வார்த்தைகளை எடுத்துரைத்து அம்மாக்கள் மீண்டும் தங்கள் வாழ்வை நெறிப்படுத்திக் கொண்டு ஆண்டவரிடம் திரும்பி வருவதற்கான அடையாளமாகத் இருந்தவர்தான் இந்த யோனா. இந்த யோனாவைப் போலத்தான் நாம் ஒவ்வொருவரும் இந்த சமூகத்தில் பல நல்ல மாற்றங்கள் உதயமாவதற்கான அடையாளங்களாக மாறிட இறைவன் நம்மை இன்றைய நாளில் அழைக்கின்றார்.
இயேசு இந்த மண்ணில் வாழ்ந்த போது அனைவருக்கும் முன்மாதிரியான ஒரு அடையாளமாகத் திகழ்ந்தார். இந்த இயேசு கிறிஸ்துவை பின்பற்றியவர்களும் தங்கள் வாழ்வில் இந்த இயேசுவை அடையாளப்படுத்த கூடிய மிகப் பெரிய அடையாளமாக மாறிப் போனார் என்பது நாம் அனைவரும் அறிந்ததே. அவர்களுள் ஒருவரான பவுல் உரோமையருக்கு எழுதிய கடிதத்திலிருந்து தான் இன்றைய முதல் வாசகம் அமைந்துள்ளது. இவ்வாசகத்தின் வழியாக நம் அனைவரையும் இயேசு கிறிஸ்துவுக்கு உரியவர்களாக இருக்க அழைப்பு தருகின்றார் பவுல்.
பவுல் தரும் அழைப்பிற்கு நம்மை நாம் தகுதிப்படுத்திக் கொள்ள வேண்டும் என்றால் இந்தச் சமூகத்தில் அடையாளங்களைத் தேடுவதை விட நாமே இறைவார்த்தையின் அடிப்படையில் வாழ்வை அமைத்துக் கொண்டு வாழக்கூடிய நல்லதொரு அடையாளங்களாக மாறிட வேண்டும்.
இயேசுவின் வார்த்தைகளின் படி தங்கள் வாழ்வை அமைத்துக் கொண்டு இன்றும் இந்த சமூகத்தில் நல்லதொரு அடையாளங்களாக திகழ்ந்து கொண்டிருக்கக்கூடிய புனிதர்களை மனதில் இருத்தி, இனி வருகின்ற நாட்களில் நாம் அடையாளங்களை வெளியே தேடுவதை நிறுத்தி விட்டு நாமே நல்லதொரு அடையாளங்களாக மாறிட இறைவனது அருளை இணைந்து இன்றைய நாளில் இறைவனிடத்தில் வேண்டி பெற்றுக்கொள்வோம்.
எல்லாம் வல்ல இறைவன் நம்மோடு இருந்து இச்சமூகத்தில் நன்மை செய்து பரிவு காட்டக்கடிய நல்ல அடையாளங்களாக நாம் திகழ நம்மை ஆசீர்வதிப்பாராக.... ஆமேன்.
கருத்துகள் இல்லை:
கருத்துரையிடுக