இயேசுவின் பிம்பமாக....
இறைவன் இயேசுவில் அன்புக்குரியவர்களை இன்றைய இறைவார்த்தையின் அடிப்படையில் என் சிந்தனைகளை உங்களோடு பகிர்வதில் மகிழ்ச்சி அடைகிறேன்.
பகல் இரவு காக காத்திருக்கிறது.
இரவு பகல் உகாக காத்திருக்கிறது.
சூரியன் நிலவுகாக காத்திருக்கிறது.
நிலவு சூரியனுக்காக காத்திருக்கிறது.
காத்திருத்தல் என்பது ஒருவிதமான சுகம்... கிறிஸ்தவர்களாகிய நாமும் ஆண்டவர் இயேசுவின் இரண்டாம் வருகைக்காக காத்திருக்கின்றோம்.
எப்போது வரும் எப்படி வரும் என தெரியாது ஆனால் திடீரென நாம் எதிர்பாராத நேரத்தில் மானிட மகன் வந்தே தீருவான்... ஆண்டவர் இயேசுவின் இரண்டாம் வருகையை எதிர்நோக்கி இருக்கக்கூடிய நாம் நமது வாழ்வில் இறைவன் வெளிப்படுத்துகின்ற அடையாளங்களை அடிப்படையாகக் கொண்டு நமது வாழ்வை சீர் தூக்கிப் பார்த்து அவரின் வருகைக்கு நம்மை தயார் படுத்த இன்றைய நாள் வாசகங்கள் அழைப்பு தருகின்றன.
உலகில் உள்ள துன்பங்கள், அழிவுகள் அனைத்தும் கிறிஸ்துவின் இரண்டாம் வருகையின் மூலம் முடிவுக்கு வரும். அனைத்துப் படைப்புகளும் கிறிஸ்துவினால் புத்துயிர் பெறும். நோவாவின் காலத்தில் ஏற்பட்ட வெள்ள அழிவுக்குப் பிறகும், லோத்துவின் காலத்தில் சோதோம் கொமாரா வில் ஏற்பட்ட அழிவுகளிலும் கடவுளின் மாட்சி வெளிப்பட்டது போல் கிறிஸ்துவின் இரண்டாம் வருகையின் போது கடவுளின் மாட்சி இந்த உலகில் வெளிப்படும். அப்போது கிறிஸ்துவின் பிம்பங்களாக இருந்து பிறருக்கு உதவி செய்த நல்லவர்கள் முதலில் மீட்படைவர். இதுதான் நம் நம்பிக்கை.
இன்று வெள்ளப்பெருக்கு, பெருந்தொற்று போன்றவற்றால் அவதிப்படுகின்ற மக்களுக்கு இயேசுவின் பிம்பமாக இருந்து உதவி செய்ய வேண்டும். நாம் கிறிஸ்துவின் பிம்பமாக மாறி கடவுளை மாட்சி படுத்த வேண்டும்.
நம் வாழ்வில் நடைபெறும் நிகழ்வுகளிலும் அடையாளங்களிலும் கடவுள் தன்னை வெளிப்படுத்துகிறார் என்பதையும் உணரக்கூடிய ஞானத்தை நாம் வளர்த்துக்கொள்ள வேண்டும் என இன்றைய நற்செய்தியில் ஆண்டவர் இயேசு கூறுகிறார். மானிட மகன் வருகையின் போது ஏற்படும் அடையாளங்களைக் அறிய ஞானத்தோடு நம்மையே நாம் தயார் செய்ய வேண்டும் என இயேசு கூறுகிறார்.எனவே ஞானத்தோடு கடவுளை அறிந்து அவருடைய வருகைக்காக தயார் செய்ய முயற்சி செய்வோம்.
கருத்துகள் இல்லை:
கருத்துரையிடுக