இயேசுவின் பின்னால் அவரைப்போல பயணம் செய்வோம்.
வாழ்வு என்பது இன்பமும் துன்பமும் கலந்தது. இன்பத்தை ஏற்றுக் கொள்ள விரும்பும் நாம் துன்பத்தை ஏற்றுக் கொள்ள விரும்புவதில்லை. ஆனால், ஆழமாக அமர்ந்து யோசித்து பார்த்தால், துன்பத்திற்கு பிறகுதான் வாழ்வில் இன்பம் இருப்பதை கண்டு கொள்ள முடியும்.
ஏதோ ஒரு வகையில் துன்பம் ஒவ்வொருவர் வாழ்விலும் இருக்கத்தான் செய்கிறது. ஆண்டவர் இயேசு கிறிஸ்து நமது துன்பங்களை சுமந்து கொண்டு அவரை பின்தொடர அழைக்கிறார்.
எல்லாச் சுமைகளையும் ஆண்டவரிடத்தில் இறக்கி வைத்துவிட்டு நாம் நிம்மதியாக இருக்க வேண்டும் என விரும்பலாம். ஆனால் நமது சுமைகளோடு அவரைப் பின்தொடர்வது தான் உண்மையான இன்பம் என்பதை இன்றைய நாளில் இறைவன் நமக்கு உணர்த்துகிறார்.
எனவே தான் தன் சிலுவையை சுமந்து கொண்டு என்னை பின் தொடரட்டும் என்கிறார். இன்று நாம் ஆண்டவர் இயேசுவை பின் தொடரும் போது எத்தகைய மனநிலையோடு பின் தொடர்கிறோம்?
நம் தேவைகளை நிறைவேற்றக் கூடியவராகத் தான் அவர் இருக்க வேண்டும், துன்பங்களை தருபவராக கடவுள் இருக்கக்கூடாது என்ற எண்ணத்தோடுதான், இன்று பலர் ஆண்டவரை நோக்குகிறார்கள். ஆனால் வாழ்வில் இன்ப துன்பம் வழியாக இறைவன் நம்மை செதுக்கி இந்த சமூகத்தில் சிறந்த படைப்பாக மாற்றுகிறார்.
அவரது வழிநடத்துதலை உணர்ந்து கொண்டவர்களாய், நமது சிலுவையை நாம் சுமந்து கொண்டு ஆண்டவர் இயேசுவின் பின்னால் அவரைப்போல பயணம் செய்வோம்.
🙇🙇🙇🙇🙇🙇🙇🙇🙇🙇🙇🙇
பதிலளிநீக்கு