நலமான பணிகளை முன்னெடுக்க...
இந்த உலகத்தில் நல்லது செய்வதிலும் போட்டி இருக்கிறது. நாம் வாழுகின்ற இந்த உலகத்தில் பலர் நல்ல பணிகளில் ஈடுபடுகிறார்கள். ஆனால் அந்த நல்ல பணிகளில் ஈடுபடும் போது அவர்கள் தங்களுக்கான பெயரையும் புகழையும் சம்பாதித்துக் கொள்ள வேண்டும் என்ற எண்ணத்தில், அடுத்தவர் செய்கின்ற நன்மைகளை காணாது, அவர்களிடத்தில் இருக்கும் குறைகளையே அதிகம் மையப்படுத்துகிறார்கள்.
இவ்வாறு குறைகளை மையப்படுத்துவதை நிறுத்திவிட்டு, அனைவரும் இணைந்தால் கண்டிப்பாக என்னும் அற்புதமான பல பணிகளை இந்த சமூகத்தில் முன்னெடுக்க முடியும்.
ஆண்டவர் இயேசு கிறிஸ்து பல பணிகளை செய்தபோது அதே பணியை இன்னொருவர் செய்வதை கண்டு, ஏற்றுக்கொள்ள இயலாத சீடர்கள் இயேசுவினிடத்தில் வந்து கூறியபோது, அவர் இவ்வாறு சொன்னார்: நமக்கு எதிராக இல்லாதவர் நம் சார்பாக இருக்கிறார். நாம் அனைவரும் செய்வது நலமான நல்ல பணி. நல்லதை செய்கிறோம் என்ற ஒற்றை குடையில் நாம் அனைவரும் இணைந்து இருக்கிறோம். அதை மட்டுமே முன்னிறுத்தி நாம் செய்ய வேண்டுமே தவிர மற்றவரை குறை கூறி நாம் தான் அதிகம் செய்கிறோம் என்ற எண்ணத்தோடு சமூகத்தில் பயணிப்பது தவறு என்ற பாடத்தை ஆண்டவர் இயேசு தன் சீடர்கள் வழியாக இன்று நமக்கு கற்பிக்கின்றார்.
அவர் கற்பிப்பதை உணர்ந்து கொள்வோம். நல்லது செய்வோம். நல்லது செய்வதால் இணைவோம். நல்லது செய்வதிலும் நான்தான் அதிகம் செய்தேன் என்ற மனப்பான்மையோடு பயணிப்பதை நிறுத்திக் கொள்வோம். நல்லது செய்யும் அனைவரையும் ஏற்றுக் கொண்டு இந்த சமூகத்தில் நலமான பணிகளை முன்னெடுக்க இறையருளை வேண்டுவோம்.
கருத்துகள் இல்லை:
கருத்துரையிடுக