எண்ணங்கள் சிறக்க வேண்டும்
இறைவன் இயேசுவில் அன்புக்குரியவர்களே
இன்றைய நாள் இதை வார்த்தையின் அடிப்படையில் என் சிந்தனைகளை உங்களோடு பகிர்வதில் மகிழ்ச்சி அடைகிறேன்.
இன்றைய முதல் வாசகத்தில் இறைவன் தன்னை எலியா இறைவாக்கினருக்கு வெளிப்படுத்துவதாக கூறுகிறார்.
குகையிலிருந்து வெளியே வந்த எலியா இறைவாக்கினர் பெரும் இரைச்சலில் கடவுளை காண முயல்கிறார் ஆனால் கடவுள் அந்த இறைச்சலில் இல்லை. பெரும் இடிமுழக்க சத்தம் கேட்கிறது அதில் கடவுள் இருப்பதாக எண்ணுகிறார் அதிலும் கடவுள் இல்லை. ஒரு மெல்லிய காற்றின் வழியாக கடவுள் தன்னை எலியாவுக்கு வெளிப்படுத்துகிறார்.
எண்ணங்களின் தொகுப்பாக விளங்குகின்ற மனித வாழ்வில் எண்ணங்கள் தூய்மையாக இருக்க வேண்டும் என்பதை இன்றைய நாள் வாசகங்கள் நமக்கு வலியுறுத்துகின்றன.
சொல்லும் செயலும் பிறப்பதற்கு ஊற்றாக இருப்பது சிந்தனை. நம் உள்ளத்தில் ஓர் எண்ணம் எழுகின்ற போது அந்த எண்ணம் நம் கற்பனையோடு கலந்து நம் மனக் கண் முன்னே ஒரு காட்சியையே சித்தரிக்கும் தன்மை வாய்ந்தது.
எண்ணம் முதலில் எழும்; செயல் அதைத் தொடரும். ஒரு செயலின் தொடக்கத்திலேயே அதனை சரிசெய்து கொள்ள வேண்டும் என்ற வாழ்வுக்கான பாடத்தை இறைவன் இன்று நமக்குத் தருகின்றார்.
நமது எண்ணங்கள் சிறப்பானதாக அமைகின்ற போது நமது செயல்களும் சிறப்பானதாக மாறுகிறது.
நமது எண்ணங்களை குறித்து சந்திப்போம் நமது எண்ணங்கள் நேர்மையானதாக இறைவனின் விருப்பத்திற்கு உகந்ததாக இந்தச் சமூகத்தில் நன்மைகளை மட்டுமே முன்னெடுப்பதாக இருக்குமாயின் இறைவனுக்கு நன்றி கூறுவோம்....
இல்லை நமது எண்ணங்களில் மாற்றம் நிகழ வேண்டும் என்ற எண்ணம் நமக்குள் உருவாகுமானால் இறைவனின் துணையை நாடுவோம்...
கருத்துகள் இல்லை:
கருத்துரையிடுக