விண்ணகச் செல்வத்தை நாட...
அத்தளியா அரியணைக்கு உரிய தன் மகன் இறந்துவிட்டான் என்பதை கேள்விப்பட்டு அரச குடும்பத்தில் உள்ள அனைவரையும் கொலை செய்கிறார். ஆனால் கடவுள் யோசியாவை காப்பாற்றுகிறார். அத்தளியாவின் பார்வையில் இவ்வுலகிலுள்ள பதவியும் பட்டமுமே உயரிய செல்வமாக தெரிந்தது. அவரது உள்ளம் மண்ணை சார்ந்திருந்தது விண்ணை சார்ந்தது அல்ல.....
உங்கள் செல்வம் எங்கு உள்ளதோ உங்கள் உள்ளமும் அங்கேயே இருக்கும் ... என்ற இறை வார்த்தைகள் நமது எண்ணத்தையும் செயலையும் சீர்தூக்கி பார்க்க என்று அழைப்பு தருகின்றன.
மனம் என்பது ஒரு குரங்கைப் போல நிமிடத்திற்கு நிமிடம் மாறிக்கொண்டே இருக்கும் என்பார்கள். மனம் மாறாமல் இருக்கிறது என்றால் அது செல்வத்தை சேர்த்து வைப்பது மட்டுமே ...
மண்ணில் வாழும் மனிதர்கள் பலர் சேர்ப்பதில் ஆர்வம் கொண்டவர்கள் யாருக்காக எதற்காக சேர்க்கிறார்கள் என்று கேள்வி எழுப்பினார் ஒன்று நமக்காக மற்றொன்று நமது வருங்கால சந்ததியினருக்காக என பலரும் காரணம் கூறுவது உண்டு.... நாம் நமக்காகவும் வருங்கால சந்ததியினருக்காக சேர்த்து வைக்க வேண்டியது செல்வங்களை அல்ல மாறாக நல்லெண்ணங்களை என்பதை இன்றைய நற்செய்தி வாசகத்தின் வாயிலாக இறைவன் வெளிப்படுத்துகிறார் ...
நமக்கு என்ற மனநிலையோடு நாம் விண்ணக செல்வங்களை சேர்த்து வைப்பதைவிட பிறருக்கு என்ற மனநிலையோடு இருப்பதை இல்லாதவ ரோடு பகிரவும், ஏழைகளுக்கு உதவவும், துன்பத்தில் வாடுவோருக்கு துணை நிற்கவும், கூடிய நல்லெண்ணங்களை நாம் நமது செல்வங்களாக சேர்க்கவும் அந்த செல்வங்களை நமது குழந்தைகள் தங்கள் செல்வங்களாக எண்ணி சேர்க்கவும் வழிகாட்டுவோம். ஏனெனில் இவையே விண்ணகத் செல்வங்கள். இவையே பூச்சும் துரும்பும் அழிக்க முடியாதவை.... திருடர் கன்னமிட்டு திருட முடியாத செல்வம் ....இந்தச் செல்வம் இருக்கும் இடமே விண்ணகம் இந்த செல்வத்தை நாடுகிற போது நமது உள்ளமும் அந்த விண்ணக செல்வத்தை சார்ந்திருக்கும் ...
விண்ணகச் செல்வத்தை நாடவும் அதை உரிமையாக்கிக் கொள்ளவும் இறையருள் வேண்டும்....
கருத்துகள் இல்லை:
கருத்துரையிடுக