எல்லோரும் இணைந்த வாழ்வு...
இன்றைய நாள் இறைவார்த்தையின் அடிப்படையில் என் சிந்தனைகளை உங்களோடு பகிர்வதில் மகிழ்ச்சி அடைகிறேன் ..
இன்றைய முதல் வாசகத்தில் திருத்தூதர் பவுல் ஆண்டவர் இயேசுவின் உயிர்ப்பை குறித்த நற்செய்தியை பறைசாற்றுகிறார் ஏற்கனவே ஆண்டவர் இயேசுவை குறித்த நற்செய்தியை பறைசாற்றிய காரணத்தினால் சிறையில் அடைக்கப்பட்டிருந்தார் சிறையில் அடைக்கப்பட்டிருந்த அவர் தலைமைக் குருக்களின் முன்பாக அழைத்து விசாரிக்கப்பட்ட போது அஞ்சாது துணிவோடு ஆண்டவரின் வார்த்தையை எடுத்துரைக்க கூடியவராக இருக்கின்றார் அவரின் போதனை உயிர்ப்பை நம்புகின்ற பரிசேயருக்கும் உயிர்ப்பை நம்பாதது சதுசேயக்கும் இடையே குழப்பத்தை உருவாக்குகிறது.
அதுபோலவே இன்றைய நற்செய்தி வாசகத்தில் எல்லோரும் ஒன்றாய் இருப்பார்களாக என்ற இயேசுவின் வார்த்தைகளும் இந்த வார்த்தைகளை வாழ்வாக்குவது எப்படி என சிந்திக்க நம்மை அழைக்கின்றது.
கடவுள் தம் உருவில் மானிடரைப்* படைத்தார்; கடவுளின் உருவிலேயே அவர்களைப் படைத்தார்; ஆணும் பெண்ணுமாக அவர்களைப் படைத்தார்.
தொடக்க நூல் 1:27 குறிப்பிடுகிறது ...
கடவுளின் உருவிலும் சாயலிலும் படைக்கப்பட்டு இருக்கின்ற நாம் ஒவ்வொருவருமே கடவுளின் பிள்ளைகள். நம்மிடையே சாதி, மத, இன பாகுபாடுகளை பலர் விதைத்து இருந்தாலும் அன்பு என்ற ஒற்றை குடையின் கீழ் நாம் அனைவரும் ஒன்றித்து வாழ முயல வேண்டும். என்ற வாழ்வுக்கான பாடத்தை இறைவன் என்று நமக்கு உணர்த்துகிறார்.
நாம் வாழ்வில் தோல்வியை சந்திக்கின்ற போதும், துன்பங்களை சந்திக்கின்ற போதும் எப்படி ஒருவர் மற்றவர் நம்மை ஊக்கம் ஊட்டவேண்டும், நமக்கு உதவ வேண்டும் என எண்ணுகிறோமோ அது போலவே ஒவ்வொருவருமே எண்ணுகிறார்கள்...
நம்மை படைத்த இறைவன் நாம் எல்லோரும் இணைந்து இருப்பதையே விரும்புகிறார். நாம் ஒருவர் மற்றவரோடு இணைந்து இருப்பதுதான் இறைவனோடு இணைந்து இருப்பதற்கான வழி என்பதை உணர்ந்து கொண்டவர்களாக.
இயேசுவின் இறையாட்சி இம்மண்ணில் மலர எல்லோரும் ஒன்றித்து வாழ, பாகுபாடுகளை கடந்தவர்களாய் மாற்றத்தின் முதல் விதையாய் நாம் இருக்க இறைவனிடத்தில் அருள் வேண்டுவோம் இறைவன் நம்மை ஆசீர்வதிப்பார் ....
கருத்துகள் இல்லை:
கருத்துரையிடுக