நம் எண்ணங்கள் பிறருக்கு நலம் தரட்டும்....
இறைவன் இயேசுவில் அன்புக்குரியவர்களே!
இன்றைய நாள் இறைவார்த்தையின் அடிப்படையில் உங்களோடு இணைந்து சிந்திப்பதில் மகிழ்ச்சி அடைகிறேன்.
இன்றைய முதல் வாசகத்தில் செதேக்கியா என்ற அரசன் மிகப்பெரிய குழப்பத்திற்கு உள்ளாகிறான். படையெடுத்து வருகின்ற நபர்களை எதிர்கொள்வதற்கு யாவே இறைவன் மீது நம்பிக்கை வைத்து பயணத்தைத் தொடர்வதா? அல்லது அல்லது மற்றவர்கள் சொல்லக் கூடிய வார்த்தைகளைக் கேட்டு பிற படைகளோடு இணைந்து எதிரியை எதிர் கொள்வதா? என்ற கேள்விக்கு உட்படுத்தப்படுகிறார். இறுதியில் யாவே இறைவன் மீது நம்பிக்கை வைக்கிறார்; போரிலும் வெற்றி பெறுகிறார்.
இன்றைய நற்செய்தி வாசகத்திலும் ஆண்டவரின் வார்த்தையில் நம்பிக்கை வைக்க நமக்கு அழைப்பு தரப்படுகிறது. ஆண்டவருடைய வார்த்தையின் மீது நம்பிக்கை வைத்து, அதனை பின்பற்றும் மனிதர்களாக நாம் இருக்க இன்று அழைக்கப்படுகிறோம். இன்றைய நற்செய்தி வாசகத்தின் வாயிலாக, பிறர் உங்களுக்கு என்ன செய்ய வேண்டும் என விரும்புகிறீர்களோ, அதையே நீங்கள் அவர்களுக்கும் செய்யுங்கள் என்ற இறை வார்த்தை தரப்படுகிறது. மற்றவர்கள் நமக்கு நல்லது செய்ய வேண்டும் என எண்ணுகிறோம்; நம்மை பற்றி புகழ வேண்டும் என கருதுகிறோம்; நமக்கு உதவ வேண்டும் என எண்ணுகிறோம்; துன்பத்தில் துணை நிற்க வேண்டும் என எண்ணுகிறோம். அந்த எண்ணங்கள் அனைத்தையும் நாம் அடுத்தவருக்கு செய்யக்கூடிய மனிதர்களாக இருக்க இறைவன் அழைப்பு தருகிறார்.
நாம் எண்ணுவதை நமக்கு
மற்றவர்கள் செய்யாவிட்டாலும் நாம் மற்றவர் நமக்கு செய்ய வேண்டும் என எண்ணுவதை மற்றவர்களுக்கு செய்யக்கூடிய மனிதர்களாக இருக்கவும், அதன் வழியாக இறைவனின் வார்த்தைகளை வாழ்வாக்கவும், அவரின் மீது ஆழமான நம்பிக்கை கொள்ளவும், செதேக்கியா அரசனைப் போல, அந்த இறைவனின் மீது, அவர் தந்த வார்த்தைகளின் மீது ஆழமான நம்பிக்கை கொள்ளவும், இன்றைய நாள் இறைவார்த்தை வழியாக இறைவன் அழைக்கின்றார் இறைவனின் அழைப்பை உணர்ந்து வாழ்வை நெறிப்படுத்திக் கொண்டு, இறைவன் மீதான ஆழமான நம்பிக்கையில் நாளும் வளர இறையருள் வேண்டுவோம்.
கருத்துகள் இல்லை:
கருத்துரையிடுக