உடன்பிறப்புகளோடு இணைந்த வாழ்வு...
இன்றைய நாள் இறைவார்த்தையின் அடிப்படையில் என் சிந்தனைகளை உங்களோடு பகிர்வதில் மகிழ்ச்சி அடைகிறேன்.
மனிதர்களாகிய நமக்கு இறைவன் கொடுத்த விலை மதிப்பில்லாத பரிசு நமது உடன்பிறப்புகள். இந்த உடன்பிறப்புகளோடு இன்பம் துன்பம் என எல்லா சூழ்நிலையிலும் உடனிருந்து பயணிக்கவேண்டும், இணைந்து பயணிக்க வேண்டும் என்பது இறைவனின் திருவுள்ளம். ஆனால், இன்று நாம் வாழுகின்ற இந்த சமூகத்தில் தன் பெண்டு தன் பிள்ளை தன் வீடு சோறு வீடு சம்பாத்தியம் இவையுண்டு தானுண்டு என்று வாழ்வோரெல்லாம் கடுகு உள்ளம் கொண்டோன் என்ற பாரதிதாசனின் வார்த்தைகளுக்கு ஏற்ப, உறவுகளோடு இணைந்து வாழாமல் தான் என்ற மனப்பான்மையோடு தன்னை மட்டும் முன்னிலைப்படுத்துகின்றனர்; தனது நலனை மட்டுமே நாடுகின்ற மனிதர்களாக பலர் மாறுகிறார்கள். ஆனால், உடன்பிறப்புகளோடு இணைந்து தொடர்ந்து பயணிக்க வேண்டும் என்பதையே இறைவன் இன்று நமக்கு வலியுறுத்துகிறார். வார்த்தைகளாலும் கருத்து வேறுபாடுகள் காரணமாகவும் உறவுகளை சிதைத்து கொண்டு வாழுகின்ற தன்மையில் இருந்து விடுபட்டு, உறவுகளோடு இணைந்து தொடர்ந்து பயணிக்க இறைவனிடத்தில் அருள் வேண்டுவோம்.
கருத்துகள் இல்லை:
கருத்துரையிடுக