இறைவனது விருப்பம் எது?
இறைவனின் செயல் அன்புக்குரியவர்களே!...
இன்றைய நாள் இறைவார்த்தையின் அடிப்படையில் என் சிந்தனைகளை உங்களோடு பகிர்வதில் மகிழ்ச்சி அடைகிறேன்
திருச்சட்டத்தை அழிப்பதற்காக இயேசு இந்த உலகத்திற்கு வரவில்லை. மாறாக, திருச்சட்டத்தை நிறைவுசெய்வதற்காகவே இந்த உலகத்திற்கு வந்ததாக, இயேசு சொல்கிறார்.
திருச்சட்டம் பற்றிய இயேசுவின் விளக்கம் என்பது நாம் எதைச்செய்தாலும் கடவுளின் பார்வையில் இருந்து செய்ய வேண்டும். அவரின் திருவுளத்திற்கு ஏற்றதா? என்று ஆராய்ந்து செய்ய வேண்டும். இதைச்செய்தால், நாம் திருச்சட்டத்தை கடைப்பிடிக்கிறோம், என்பது இயேசுவின் விளக்கம்.
விவிலியத்தின் முதல் ஐந்து நூல்களை தோரா என்றும் திருச்சட்ட நூல்கள் எனவும் யூதர்கள் கருதுகின்றனர்.
திருச்சட்டம் என்கிற மோசேயின் சட்டத்தினை, கடவுள் கொடுத்திருந்தாலும், அதனுடைய முழுமையான புரிதல், அதனை விளக்கக்கூடிய பரிசேயர்களுக்கும், சதுசேயர்களுக்கும், மறைநூல் அறிஞர்களுக்கும் இல்லை. அவர்கள் அதனை தவறாகத்தான் மக்களுக்குப் போதித்தார்கள். அதனுடைய உண்மையான அர்த்தத்தை போதிக்கவில்லை. போதிக்கவில்லை என்பதைக்காட்டிலும், அவர்கள் அதை புரிந்து கொள்ள இயலவில்லை, என்பதுதான் உண்மை. ஆனால், இயேசு அந்த புரிதலை தனது போதனையின் மூலமாக முழுமைப்படுத்துகிறார். அந்த முழுமையை, உண்மையென பரிசேயர்களாலும், மற்றவர்களாலும் ஏற்றுக்கொள்ள முடியவில்லை.
எந்த ஒரு கோட்பாடும் முழுமையாக, உடனடியாக புரிந்து கொள்ள முடியாதது. கொஞ்சம், கொஞ்சமாக காலப்போக்கில் அதனை நாம், நமது அனுபவத்தில் முழுமையாகப் புரிந்து கொள்கிறோம். அதேபோலத்தான்,
துன்பப்படுகிற மனிதனைக் கண்டு அவனது துன்பத்தை போக்குகிற முயற்சியில் நாம் ஈடுபடுவது முறையா அல்லது அவர்கள் துன்பப்படுகிறார்கள் என எண்ணியவர்களாய் நகர்ந்து சென்று விடுவது முறையா? என சிந்தித்துப் பார்ப்போம்... இறைவனின் விருப்பம் மனிதனின் தேவையை பூர்த்தி செய்வது, என்பதாகத்தான் இருக்கும். அதுதான் கடவுளின் பார்வையில் சரியானதாகவும் இருக்கும். அதை இயேசு செய்வதற்கு அழைக்கிறார்.
அழைக்கும் இறைவனின் குரலுக்கு செவி கொடுத்து நமது வாழ்வை ஆண்டவர் இயேசுவின் மனநிலையோடு நகர்த்துகின்றதாக மாற்றிக்கொள்ள இறையருள் வேண்டி இணைந்து தொடர்ந்து செபிப்போம்.
கருத்துகள் இல்லை:
கருத்துரையிடுக