இறைவன் இயேசுவில் அன்புக்குரியவர்களே! ஆண்டவர் இயேசு கிறிஸ்துவின் இறை வார்த்தையின் அடிப்படையில் உங்களோடு இணைந்து சிந்திப்பதில் மகிழ்ச்சி அடைகின்றேன்!
இன்றைய இறை வார்த்தையானது ஆண்டவரிடமிருந்து கற்றுக் கொள்வதற்கான அழைப்பை நமக்குத் தருகிறது இன்றைய முதல் வாசகத்தில் இஸ்ரேல் மக்கள் அழிவுக்கு காரணம் அவர்கள் ஆண்டவரிடமிருந்து கற்றுக் கொள்ள தவறினார்கள் என்பதாக திருவிவிலியம் சுட்டிக்காட்டுகிறது. எத்தனையோ வழிகளில் அவர்களின் வாழ்வு நெறிப்பட வேண்டும் என்பதற்காக கடவுள் அவர்களுக்கு பலவற்றை கற்பித்தார். பல நேரங்களில் அவர்கள் அதற்கு செவி கொடுக்க தவறியவர்களாக,
தங்கள் வாழ்வை தங்கள் மனம் போன போக்கில் அமைத்துக் கொண்டார்கள். அதன் விளைவாக அழிவை சந்தித்தார்கள்.
இன்றைய நற்செய்தி வாசகத்திலும் கூட ஆண்டவர் இயேசு கிறிஸ்து சொல்லக்கூடிய, அவர் வாழ்வுக்கு கற்றுத் தரக்கூடிய அந்த கற்பித்தலை புரிந்து கொள்ளாமல், இயேசுவின் மீது குற்றம் சுமத்த வேண்டும் என்ற எண்ணத்தோடு மட்டுமே அவரோடு இருந்த சிலர் பயணம் செய்து கொண்டிருந்தார்கள்.
ஆனால் ஆண்டவர் இயேசு கிறிஸ்து தன்னை சுற்றி இருப்பவர்களின் மனநிலையை அறிந்தவராக தான் செய்ய விரும்பிய நன்மையை செய்யக்கூடியவராக தொடர்ந்து பயணித்தார். அதே சமயம், இந்த இயேசுவிடம் இருந்து சுற்றியுள்ள ஒவ்வொருவருமே வாழ்வுக்கான பாடத்தை உணர்ந்து கொள்ள வேண்டும் என்பதற்கு தனது வாழ்வு மூலமாக பாடமாக திகழ்ந்தார். இந்த இயேசு கிறிஸ்துவை தான் ஈராயிரம் ஆண்டுகளாக நாமும் பின்பற்றுகிறோம். இந்த இயேசு கிறிஸ்துவின் பண்பு நலன்கள் அனைத்துமே நமது வாழ்வை நெறிப்படுத்துவதற்கு நமக்கு அழைப்பு தருகின்றன. இந்த இயேசு கிறிஸ்துவிடமிருந்து நமது வாழ்வை நெறிப்படுத்தக் கூடிய பண்புகளை கற்றுக்கொண்டு, அதை நமது வாழ்வாக மாற்றிக் கொண்டு பயணிக்க இன்றைய நாளில் இறைவனிடத்தில் அருள் வேண்டுவோம். இறைவன் தொடர்ந்து நம்மை
ஆசிர்வதிப்பார்.
கருத்துகள் இல்லை:
கருத்துரையிடுக