இறைவன் இயேசுவில் அன்புக்குரியவர்களே! இன்றைய நாள் இறைவார்த்தையின் அடிப்படையில் உங்களோடு இணைந்து சிந்திப்பதில் மகிழ்ச்சி அடைகிறேன்!
இன்றைய இறை வார்த்தையானது ஆண்டவரின் நாள் அண்மையில் உள்ளது. அந்த ஆண்டவரின் நாளில் அவரை எதிர்கொண்டு செல்ல நாம் எப்போதும் விழிப்பாய் இருந்து மன்றாட வேண்டும் என்பதை இறைவன் இன்று வலியுறுத்துவதை இன்றைய இறை வார்த்தையின் வழியாக நாம் உணர்ந்து கொள்ள அழைக்கப்படுகின்றோம்.
ஆண்டவரின் நாள் இந்த மண்ணில் வாழுகின்ற ஒவ்வொருவரும் எதிர்கொள்ள வேண்டிய ஒரு நாளாக அமைகிறது. இந்த ஆண்டவரின் நாளை எதிர் கொள்ளை நம்மிடையே இருக்கக்கூடிய பலவிதமான தீய எண்ணங்களை நாம் தகர்த்தெறிய வேண்டும் என்பதை இன்றைய இறை வார்த்தை வழியாக இறைவன் நமக்கு வலியுறுத்துகிறார்.
இறைவன் வலியுறுத்துகின்ற இந்த வாழ்வுக்கான பாடங்களை இதயத்தில் ஏற்றவர்களாய் நம்மை நாமே சரி செய்து கொண்டு ஆண்டவருக்கு உகந்த ஒரு வாழ்வை நமது வாழ்வாக அமைத்துக் கொண்டு எப்போதும் விழிப்பாய் இருந்து ஆண்டவரின் நாளில் அவரை எதிர்கொள்ள நம்மை நாமே ஆயத்தமாக்கிக் கொள்ள இன்றைய நாளில் இறைவனிடத்தில் இறைவேண்டலில் ஈடுபடுவோம். இறைவன் நம்மை தொடர்ந்து ஆசிர்வதிப்பார்.
கருத்துகள் இல்லை:
கருத்துரையிடுக