இறைவன் இயேசுவில் அன்புக்குரியவர்களே!
இன்றைய நாள் இறைவார்த்தையின் அடிப்படையில் உங்களோடு இணைந்து சிந்திப்பதில் மகிழ்ச்சி அடைகிறேன்!
இன்று தாய்த்திரு அவையானது
அன்னை மரியாவின் பிறப்பு விழாவை கொண்டாடுகிறது. ஆண்டவர் இயேசு கிறிஸ்துவை இந்த அகிலத்திற்கு கொண்டு வருவதற்காக அன்னை மரியா பாவம் இல்லாமல் இவ்வுலகில் பிறந்தார். இந்த அன்னை மரியாவின் பிறப்பு விழாவை கொண்டாடுகின்ற இந்த நேரத்தில் அன்னை மரியாவின் பெயரை தாங்கி இருக்கக்கூடிய ஒவ்வொருவருக்கும் நாமவிழா வாழ்த்துக்களை மகிழ்வோடு உரித்தாக்கி கொள்கிறோம்.
ஆண்டவருக்காகவே இவ்வுலகிற்கு வந்த அன்னை மரியா தன் வாழ்வு முழுவதுமே ஆண்டவருடைய வார்த்தைகளை வாழ்வாக்குவதில் நிலைத்திருந்தார். இந்த அன்னை மரியாவைப் போல நீங்களும் நானும் ஆண்டவரின் வார்த்தைகளை வாழ்வாக்குகின்ற மனிதர்களாக, அவரின் திட்டத்திற்கு நம்மை முழுவதுமாக கையளிக்கின்ற மனிதர்களாக மாறிட இறைவனிடத்தில் இன்றைய நாளில் அருள் வேண்டுவோம். இறைவன் தொடர்ந்து நம்மை ஆசிர்வதிப்பார்.
கருத்துகள் இல்லை:
கருத்துரையிடுக