ஆண்டவர் இயேசுவில் அன்புக்குரியவர்களே! இன்றைய நாள் இறைவார்த்தையின் அடிப்படையில் உங்களோடு இணைந்து சிந்திப்பதில் மகிழ்ச்சி அடைகின்றேன்!
கடவுளின் இல்லத்திற்கு உரிய மதிப்பையும் மரியாதையும் கொடுக்கத் தவறிய பரிசேய சதுசேய மறை நூல் அறிஞர்களின் செயல்பாடுகளை ஆண்டவர் இயேசு கிறிஸ்து சாட்டை எடுத்து கண்டிப்பதை தான் இன்றைய நற்செய்தி வாசகமாக நாம் வாசிக்க கேட்டோம்.
இறைவனின் இல்லம் என்பது இறை வேண்டலின் வீடு. இந்த இறை வேண்டலின் வீட்டில் நாம் இறைவனோடு உரையாட அழைக்கப்படுகின்றோம். இந்த உரையாடலை நிகழ்த்துவதற்கு பதிலாக நாம் இந்த இறைவனுடைய இல்லத்தை வியாபாரக்கூடமாக மாற்றுகிற போது, கடவுள் அதனை எதிர்க்கும் மனநிலை கொண்டவர் என்பதை உணர்ந்தவர்களாக இறைவனின் இல்லத்தை ஒவ்வொரு நாளும் அதற்குரிய மரியாதையோடு பயன்படுத்துவதற்கான ஆற்றலை பெற்றுக் கொள்ளவும், கடவுள் நமக்கு கொடுத்திருக்கின்ற அழைப்பை இதயத்தில் உணர்ந்து கொண்டு, நம் வாழ்வை நெறிப்படுத்திக் கொண்டு, நமக்காக உறைந்திருக்கின்ற இறைவனை அவரின் இல்லத்தில் சந்தித்து அவரோடு உரையாடுவதற்கான ஆற்றலை இன்றைய நாளில் இறைவனிடத்தில் வேண்டுவோம். இறைவன் நம்மை தொடர்ந்து ஆசிர்வதிப்பார்.
கருத்துகள் இல்லை:
கருத்துரையிடுக